विराटनगरः निषेधाज्ञाका कारण अहिले सडक पनि सुनसान अर्थात् खाली नै हुने गरेको छ तर दुर्घटनामा भने कमी हुन सकेको छैन । मोरङको कानेपोखरी गाउँपालिका–५ शान्ति चोकमा भएको सवारी दुर्घटनामा परी एकजनाको मृत्यु भएको छ ।
बिहीबार साँझ ६ बजेको समयमा उत्तरबाट दक्षिणतर्फ जाँदै गरेको को२त ९८५८ नम्बरको ट्याक्टरले वितरीत दिशाबाट आउँदै गरेको को३२प ३७६९ नम्बरको मोटरसाइकललाई ठक्कर दिँदा मोटरसाइकल चालक कानेपोखरी गाउँपालिका–२ केरौनका ३२ वर्षीय दिलीप चौधरी घाइते भएका थिए । घाईतेलाई उपचारको लागि कोशी अस्पताल पठाइएकोमा उपचारको क्रममा राति पौने ८ बजे मृत्यु भएको हो भने घटना सम्बन्धमा प्रहरीले थप अनुसन्धान गरिरहेको छ ।
हाम्रो कोशी आवाज
