संखुवासभाः संखुवासभाको पिलुवा खोलाले अरुण भ्याली हाइड्रोपावरका कर्मचारीलाई बगाएको छ ।
खोलाले बगाउँदा उनको मृत्यु समेत भएको छ । मादी नगरपालिका–५ मूलपानीका ३० वर्षीय महेश दाहालको मृत्यु भएको इलाका प्रहरी कार्यालय चैनपुरका प्रमुख प्रहरी निरीक्षक योगराज खतिवडाले जानकारी दिए ।
हाइड्रोपावरका कर्मचारी दाहाललाई शुक्रबार दिउँसो ३ बजेखोला तर्ने क्रममा पिलुवा खोलाले बगाएर बेपत्ता बनाएको प्रहरी थियो । उनको शव शनिबार बिहान घटना स्थलभन्दा एक किलेमिटर तल चैनपुर नगरपालिका–७ मा फेला परेको प्रहरी निरीक्षक खतिवडाले जानकारी दिए ।
उनी घरबाट कार्यालय आउँदै गर्दा पिलुवा खोलाले बगाएको थियो । उनको शव पोष्टमार्टमका लागि प्राथमिक स्वास्थ्य केन्द्रले चैनपुर ल्याइएको इलाका प्रहरी कार्यालय चैनपुरले जनाएको छ ।