धरानः मंगलबार बिहान साढे ८ बजे भएको सडक दुर्घटनाबाट सुनसरी र इलाममा २ जनाको मृत्यु भएको छ ।
सुनसरी बराहक्षेत्र नगरपालिका १० दाजुभाइ चौकस्थितमा दक्षिणतर्फ जाँदै गरेको को२त ८१८७ नम्बरको ट्याक्टरमा सवार रहेका सहचालक खोटाङ साकेला गाउँपालिका १ डाँडागाउँका २२ वर्षीय विष्णुकुमार बस्नेत अचानक लडी पछाडि डालाको चक्काले किचेर घटनास्थलमै मृत्यु भएको छ ।
ट्याक्टर र चालक बराहक्षेत्र नगरपालिका १० दाजुभाइ चौकका ४५ बर्षीय भीबहादुर कार्की इलाका प्रहरी कार्यालय महेन्द्रनगर सुनसरीको नियन्त्रणमा रहेको छ ।
त्यस्तै, इलाम नगरपालिका ११ आले चोकस्थित भित्री सडक खण्डमा बिर्तामोडबाट जीतपुरतर्फ जादै गरेको ना२ ख ९२०५ नम्बरको ट्रकले सोही स्थान बस्ने पैदल यात्री ८२ वर्षीय पदमबहादुर तामाङलाई ठक्कर दिँदा घटनास्थलमै मृत्यु भएको हो । ट्रक र चालक पाँचथर हिलिहाङ ७ का २३ वर्षीय चन्द्रबहादुर तामाङ प्रहरी चौकी चिसापानी इलामको नियन्त्रणमा रहेको १ नम्बर प्रदेश प्रहरी कार्यालय विराटनगरका सूचना समन्वय अधिकृत प्रहरी उपरीक्षक महेन्द्रकुमार श्रेष्ठले जानकारी दिए ।