धरानः धरान–१६ स्थित लोकतन्त्र वस्तीका दुई विपन्न परिवारलाई बिहीबार ‘वि केयर नेपाल धरान’ नामक संस्थाले खाद्यान्न सामग्री वितरण गरेको छ ।
वस्तीका सम्झना कटवाल (राई) र सम्झना तामाङलाई संस्थाले खाद्यान्न सामग्री वितरण गरेको हो ।
संस्थाका अध्यक्ष अविजीत ताम्राकारले चामल, तेल ,आलु, न्युट्रेला, नुन, बेसार, दालमोठलगायतका खाद्यान्न सामग्री वितरण गरेका थिए । यसअघि धरान–८ स्थित बुद्ध बिहारमा बस्ने भिक्षुहरुलाई पनि खाद्यान्न सामग्री वितरण गरेको अध्यक्ष ताम्राकारले बताए ।
कोरोना माहामारीको समयमा आर्थिक सङ्कटमा परेका विपन्न परिवारलाई खाद्यान्न वितरण गर्दै आएको संस्थाले आगामी दिनमा पनि यस कार्यलाई निरन्तरता दिने अध्यक्ष ताम्रकारले जानकारी दिए ।
हाम्रो कोशी आवाज
