धरानः सुनसरीको छुट्टाछुट्टै स्थानमा पानीमा डुब्दा दुईजनाको ज्यान गएको छ ।
आइतबार बेलुका ४ बजे इनरुवा–७ का प्रदीप दनुवारको २ वर्षीया छोरी प्रशंसा दनुवार खेल्ने क्रममा घर अगाडि रहेको नहरमा डुबेकी थिइन् । उनको विराट मेडिकल कलेज विराटनगर लैजाँदै गर्दा बाटैमा मृत्यु भएको सुनसरी प्रहरीले जनाएको छ ।
त्यस्तै, आइतबार नै सुनसरीकै बराह–५ ठिकी टोलका भरत अधिकारीको १८ महिनाकी छोरी आश्मा अधिकारीको डुबेर मृत्यु भएको छ ।
आफ्नै घर छेउमा खेल्ने क्रममा बाल्टिनको पानीमा डुबेर बेहोस भई बीपी कोइराला स्वास्थ्य विज्ञान प्रतिष्ठान धरानमा उपचारको क्रममा आइतबार साढे ४ बजे मृत्यु भएको प्रहरीले जनाएको छ ।
हाम्रो कोशी आवाज
