इटहरीः सुनसरीको खनारमा कारको ठक्करले पैदलयात्री महिलाको मृत्यु भएको छ ।
शुक्रबार राति इटहरी–१२ खनारस्थित लोकमार्गमा इटहरीबाट विराटनगरतर्फ जाँदै गरेको बा१०च ५५७३ नं. को कारले पैदलयात्री इटहरी–११ बस्ने वर्ष अन्दाजी ५२ वर्षीया गंगा ढकाललाई ठक्कर दिएको थियो । गम्भीर घाइते बनेकी उनको कोशी अञ्चल अस्पताल विराटनगरमा उपचारका क्रममो मृत्यु भएको प्रदेश नं. १ ट्राफिक प्रहरी कार्यालय इटहरीका प्रमुख सञ्जीव शर्माले जानकारी दिए ।
कार तीब्र गतिमा चलाइएको कारण दुर्घटनामा परेको प्रहरीले जनाएको छ । ती महिलालाई ठक्कर दिएको प्रहरीले जनाएको छ । ठक्कर दिँदा शुक्रबार राति १०ः२० बजे ती महिलाको मृत्यु भएको प्रहरीले जनाएको छ । दुर्घटनामापछि कार चालक फरार रहेको र खोजी भइरहेको प्रहरीले जनाएको छ ।