विराटनगरः मोरङको बुढीगंगा गाउँपालिका २ टंकीसिनवारीस्थितमा सरस्वती खड्काको घरमा सञ्चालनमा रहेको एनआइसी एशिया बैंकको एटिएम बुथमा तोडफोड गरिरहेको अवस्थामा दुईजनालाई पक्राउ गरिएको छ ।
पक्राउ पर्नेमा सुनसरी दुहबी नगरपालिका ९ का २४ वर्षीय मो. इम्तियाज र २५ वर्षीय मो. अनिष हुसेन रहेका छन् । सोमबार बिहान पौने ३ बजे विभिन्न हाते औजारहरु प्रयोग गरेर तोडफोड गरिरहेको अवस्थामा जिल्ला प्रहरी कार्यालय मोरङबाट खटिएको प्रहरी टोलीले फेला पारेको थियो । हाते औजारसहित पक्राउ परेका उनीहरुलाई चोरी उद्योग कसूरमा थप अनुसन्धान भइरहेको प्रहरी उपरीक्षक महेन्द्रकुमार श्रेष्ठले जानकारी दिए ।
हाम्रो कोशी आवाज
