विराटनगरः टयाक्टरको ठक्करले एक बालकको मृत्यु भएको छ ।
मोरङको केराबारी गाउँपालिकामा ट्याक्टरको ठक्करबाट ६ वर्षीय बालकको मृत्यु भएको हो । मृत्यु हुनेमा केराबारी गाउँपालिका–३ हचुवा बस्ने देवेन्द्र श्रेष्ठका छोरा निवासुन श्रेष्ठ रहेका छन् ।
शुक्रबार बिहान ७ बजे देवेन्द्रको खेतमा जोत्न आएको ट्याक्टरले ठक्कर दिँदा बालकको घटनास्थलमै मृत्यु भएको प्रहरीले जनाएको छ । इलाका प्रहरी कार्यालय केराबारीको प्रहरी टोलीले ट्याक्टर र चालक सोही स्थानका २९ वर्षीय सुनिल श्रेष्ठलाई नियन्त्रणमा लिएको जनाएको छ । घटनाका बारेमा इलाका प्रहरी कार्यालय बेलबारीबाट खटिएको प्रहरीले अनुसन्धान गरिरहेको प्रहरीले जनाएको छ ।
हाम्रो कोशी आवाज
