उदयपुरः उदयपुर चौदण्डीगढी नगरपालीका ७ बेल्टारस्थित मदन चोकका ६५ वर्षीय गुमशेर राईको खोलाले बगाएर मृत्यु भएको छ ।
द्दवार खोला तर्ने क्रममा खोलाले बगाई बेपत्ता बनाएको थियो । घटनाको जानकारी पाएलगतै इलाका प्रहरी कार्यालय बेल्टारबाट प्रहरी टोली खटी गई खोजतलास गर्ने क्रममा बगाएको ठाउँबाट अन्दाजी २०० मिटर दक्षिणमा राईको मृत अवस्थामा शव फेला परेको प्रहरीले जनाएको छ । लाशको कानुनी प्रक्रिया पूरा गरी पोष्टमार्टमको लागी स्वास्थ्ये चौकी बेलटार पठाइएको छ ।
उता, इलामको माङसेबुङ गाउँपालिका ५ का ४२ वर्षीय प्रविन राई करेन्ट लागेर मृत्यु भएको छ ।
राईले माई नगरपालिका ४ स्थित मानिस नबसेको घरबाट विद्युतको तार जोडी गङटेखोलामा माछा मार्ने क्रममा करेन्ट लागेर गम्भीर घाइते भएका उनको उपचारको लागि लैजादै गर्दा बाटैमा मृत्यु भएको हो । घटनास्थलमा जिल्ला प्रहरी कार्यालय इलामबाट प्रहरी टोली खटी गई थप अनुसन्धान भइरहेको प्रदेश १ प्रहरी कार्यालय विराटनगरका सूचना समन्वय अधिकृत महेन्द्रकुमार श्रेष्ठले जानकारी दिए ।