धरानः राष्ट्रिय जनमुक्ति पार्टी किरात लिम्बुवान, खम्बुवान प्रदेश परिचालित समितिले साउन २२ गते एकदिन शान्तिपूर्ण लिम्बुवान बन्दको घोषणा गरिएको जनाएको छ ।
अरुण पूर्वको ९ जिल्लामा बन्द गर्ने राष्ट्रिय जनमुक्ति पार्टीले जारी गरेको अपिलमा जनाइएको छ । हरेक वर्ष साउन २२ गतेलाई कालोदिनको रुपमा २०६६ साल साउन २२ गतेबाट लगातार एकदिने शान्तिपूर्ण लिम्बुवान बन्दको आह्वान गर्दै आइरहेको अपिलमा जनाइएको छ ।
लिम्बुवान स्वायत्त राज्य स्थापनाको संविैधानिक ग्यारेन्टीका लागि भन्दै बन्द आह्वान गरिएको जनाइएको छ । साउन २२ गतेकै दिन लिम्बुवानको तत्कालीन गोर्खासँग भएको नुनपानी सन्धिले आत्मनिर्णयको अधिकार खोसिएको भन्दै साउन २२ लाई जनमुक्तिले कालो दिनको रुपमा मनाउँदै आएको छ ।