धरानः सरकारले खाना पकाउने एलपी ग्याससहित पेट्रोलियम पदार्थमा फेरि मूल्यवृद्धि गरेको छ ।
नेपाल आयल निगमले मंगलबार साँझ एक सूचना प्रकाशित गरी मंगलबार राति १२ बजेदेखि लागू हुने गरी ग्यासमा प्रतिसिलिण्डर २५ रुपैयाँ मूल्य बढाएको जनाएको छ । खाना पकाउने ग्याँसको मूल्य अब प्रतिसिलिण्डर १४२५ रुपैयाँ पर्नेछ ।
अब ग्यासको खुद्रा मूल्य १ हजार चार सय २५ रुपैयाँ पुगेको छ । यस्तै पेट्रोल, डिजेल र मट्टितेलमा प्रतिलिटर दुई रुपैयाँका दरले वृद्धि गरेको निगमले जनाएको छ ।
नेपाल आयल निगमले पेट्रोल डिजल र मट्टितेलको मूल्य बढाएको छ । प्रतिलिटर २ रुपैयाँले पेट्रोल, डिजल र मट्टितेलको मूल्य बढाइएको निगमले जनाएको छ ।
त्यस्तै आन्तरिकतर्फ हवाई इन्धनको मूल्य पनि प्रतिलिटर २ रुपैयाँले बढाएर प्रतिलिटर ८४ रुपैयाँ पुरयाइएको छ । अन्तर्राष्ट्रिय उडानमा प्रतिकिलोलिटर १९ अमेरिकी डलर वृद्धि गरिएको छ ।
अब प्रतिकिलोलिटर अमेरिकी डलर ७५४ कायम भएको छ । एलपी ग्यासको मूल्य पनि प्रतिसिलिण्डर २५ रुपैयाँले बढेको छ ।