इलामः इलाम–१२ साङरुम्बा पिप्ले भञ्ज्याङका ४५ वर्षीय यमबहादुर साँवाले सोही स्थानका ५८ वर्षीय धनबहादुर राईको हत्या गरेका छन् ।
बुधबार बिहान ७ बजे राईको पेटमा खुकुरी प्रहार गरी हत्या गरेका थिए । घटनाको जानकारी पाएलगत्तै प्रहरी चौकी गोलाखर्क र जिल्ला प्रहरी कार्यालय इलामबाट प्रहरी टोली खटी गई हत्या गर्ने यमबहादुरलाई खुकुरीसहित पक्राउ गरेको छ ।
तत्काल हत्या गर्ने कारण खुल्न नसकेको १ नम्बर प्रदेश प्रहरी कार्यालय विराटनगरका सूचना समन्वय अधिकृत, प्रहरी प्रवक्ता प्रहरी उपरीक्षक नविनराज राईले जानकारी दिए । घटना सम्बन्धमा थप अनुसन्धान तथा कानुनी प्रक्रिया पूरा भएको प्रहरीले जनाएको छ ।
हाम्रो कोशी आवाज
