बिर्तामोडः झापाको बिर्तामोड–४ जात्रुबाडी बस्ने ६१ वर्षीय कुल बहादुर भट्टराईको करेन्ट लागेर मृत्यु भएको छ ।
बुधबार बिहान साढे ७ बजे सोही नगरपालिका ८ बाह्रबिघेस्थित रामकुमारी दर्जीको घरमा मिटर जडान गर्नको लागि बिजुलीको पोलमा चढ्ने क्रममा करेन्ट लागेर भुईमा लड्दा टाउकोमा चोट लागेर गम्भीर घाइते भएका भट्टराईको उपचारको लागि बिएण्डसी अस्पताल बिर्तामोड पुर्याउन मृत्यु भएको हो ।
उनी अनारमनी वितरण केन्द्र विद्युत प्राधिकरणको कर्मचारी रहेका थिए । घटना सम्बन्धमा इलाका प्रहरी कार्यालय अनारमनीबाट थप अनुसन्धान भइरहेको प्रहरीले जनाएको छ ।
हाम्रो कोशी आवाज
