केराबारी (मोरङ): केराबारी गाउँपालिका–३ मा एक युवाको मृत्यु भएको छ ।
हचुवा खोलामा पौडी खेल्ने क्रममा युवाको मृत्यु भएको प्रदेश १ प्रहरी कार्यालय विराटनगरका प्रवक्ता एसपी नवीनराज राईले जानकारी दिए । मृत्यु हुनेमा केराबारी–३ का २४ वर्षीय किरण श्रेष्ठ रहेका छन् ।
भोजपुर घर भएका उनी खोलाको पुलमुनिको दहमा पौडी खेल्न भनेर पसेका थिए । उनी शनिबार दिउँसो ४ बजेतिर डुबेर बेपत्ता भएको र खोजी गर्ने क्रममा राति ९ बजेतिर दहभित्र फेला पारेको प्रहरीले जनाएको छ ।
शव पोस्टमार्टमका लागि धरानस्थित बीपी कोइराला स्वास्थ्य विज्ञान प्रतिष्ठान लगिएको प्रहरीले जनाएको छ । घटनाको सम्बन्धमा थप अनुसन्धान भइरहेको एसपी राईले जानकारी दिए ।
हाम्रो कोशी आवाज
