सुुनसरीः सुनसरी बर्जु गाउँपालिका ६ शुक्रहाट टोलका ६८ वर्षीय खटर मण्डलको लडेर मृत्यु भएको छ ।
बुधबार दिउँसो १ बजे ६ नम्बर वडा कार्यालयमा वृद्ध भत्ता थाप्न गएका मण्डल वडा कार्यालय अगाडि रहेको बन्द रहेको चिया पसलको बेन्चमा बस्ने क्रममा लडेर बेहोस भएका थिए ।
घटनाको जानकारी पाएलगत्तै इलाका प्रहरी कार्यालय चिमडीबाट प्रहरी टोली खटेर गई मण्डललाई उपचारको लागि कोशी अस्पताल विराटनगर पठाइएको थियो । मण्डलको उपचारकै क्रममा दिउँसो पौने ३ बजे मृत्यु भएको १ नम्बर प्रदेश प्रहरी कार्यालय विराटनगर सूचना समन्वय अधिकृत प्रहरी उपरीक्षक नविनराज राईले जानकारी दिए । वृद्धभत्ता लिन अहिले वृद्धवृद्धाहरुले सास्ती खेप्दै आउनुपरिरहेको छ । लाइन लागेर समेत वृद्धभत्ता थाप्दै आउनुपरेको गुनासो बढ्दो छ ।