बिर्तामोडः झापाको मेचीनगर–९ स्थित लिलाबस्तीको लिलाचोकस्थितमा लागूऔषध ब्राउन सुगर कारोबार गर्ने दुईजनालाई नगद र ब्राउनसुगरसहित पक्राउ गरिएको छ ।
पक्राउ पर्नेमा मेचीनगर नगरपालिका–१ बस्ने २६ वर्षीय सरोज भुजेल र सोही स्थानका ३५ वर्षीय निर्मल भुजेल रहेका छन् ।
विशेष सूचनाको आधारमा जिल्ला प्रहरी कार्यालय झापा, लागूऔषध नियन्त्रण व्युरो काकरभिट्टा र इलाका प्रहरी कार्यालय धुलाबारी झापाबाट खटिएको प्रहरी टोलीले उनीहरुलाई लागूऔषध ब्राउन सुगर कारोबार गर्न लागेको अवस्थामा फेला पारी खानतलासी गर्दा झोलाभित्र लागूऔषध ब्राउन सुगर ३४ ग्राम र नेपाली रु. २ लाख ५१ हजार फेला पारे पश्चात उनीहरुले प्रयोग गरेको मे४प ४०९७ र मे६प ३२१३ नम्बरको दुईवटा मोटरसाइकलसहित पक्राउ गरिएको हो ।
पक्राउ परेका उनीहरुलाई इलाका प्रहरी कार्यालय धुलाबारीबाट थप अनुसन्धान भइरहेको छ ।