दमकः झापाको गौरादह नगरपालिका-१ गौरादह बजारस्थितबाट लागूऔषध ब्राउन सुगरसहित एकजनालाई पक्राउ गरिएको छ ।
अर्का एक जना फरार रहेको प्रहरीले जनाएको छ । पक्राउ पर्नेमा सोही स्थानका ३७ वर्षीय कृष्णकुमार ताजपुरिया रहेका छन् ।
इलाका प्रहरी कार्यालय दमकबाट खटिएको प्रहरी टोलीले मे७ प ६७६७ नम्बरको मोटरसाइकल चालक रहेका ताजपुरियालाई चेकजाँच गर्दा लागूऔषध ब्राउन सुगर ६ ग्राम फेला परेको थियो ।
पक्राउ परेका ताजपुरियालाई सोधपुछ गर्दा गौरादह-२ का ३९ वर्षीय सुमनकुमार कार्कीबाट खरिद गरेको हो भनी जानकारी गराएका थिए । जानकारी पाएपश्चात तत्कालै प्रहरी टोली खटी गई कार्कीको घर कोठाभित्र लागूऔषध ब्राउन सुगर ३० ग्राम फेला पारेको छ । सुमनकुमार कार्की भने तत्काल फरार रहेकोले खोजतलास भइरहेको प्रहरीले जनाएको छ ।