संखुवासभाः मकालु गाउँपालिका ३ स्थित नयाँ बस्तीमा भीरबाट लडेर एकजनाको मृत्यु भएको छ ।
मृत्यु हुनेमा भोजपुर नगरपालिका २ घर भई हाल सोही स्थानमा निर्माणाधीन अरुण तेस्रो जलविद्युत आयोजनाको रोयल हाइड्रो कम्पनीमा काम गर्ने मजदुर ५२ वर्षीय खड्गबहादुर गुरुङ रहेका छन् ।
शनिबार हेदाङना बजार गई बेलुका फर्किने क्रममा बाटोमा रहेको भीरबाट अचानक लडी अन्दाजी ६०–७० मिटर तल झरी मृत अवस्थामा गुरुङको शव आइतबार बिहान ११ बजे फेला परेको थियो । घटना सम्बन्धमा जिल्ला प्रहरी कार्यालय संखुवासभाले थप अनुसन्धान गरिरहेको छ ।
हाम्रो कोशी आवाज
