सुनसरीः सुनसरीको कोशी गाउँपालिका ४ खत्वे टोलका ५५ बर्षीय रामे खङ्ग खत्वेको जंगली हात्तीको आक्रमणमा परी मृत्यु भएको छ ।
बिहीबार बिहान साढे ५ बजे खेतीतर्फ जाने क्रममा कोशी वन्यजन्तु आरक्षबाट आएको एउटा जंगली हात्तीले घर नजिकै रहेको बपी मेमोरियल प्राथमिक विद्यालय नजिक आक्रमण गर्दा खत्वेको घटनास्थलमै मृत्यु भएको छ ।
घटनाको जानकारी पाएलगतै प्रहरी टोली खटि गई स्थानियबासीको सहयोगमा हात्तीलाई जंगलतर्फ लखेटिएको थियो । घटनास्थलमा जिल्ला प्रहरी कार्यालय सुनसरीबाट प्रहरी टोली खटि गई कानुनी प्रक्रिया पूरा गरी लाश पोष्ट मार्टमको लागि जिल्ला अस्पताल इनरुवा पठाएको छ ।
हाम्रो कोशी आवाज
