विराटनगरः बोलेरो गाडीबाट हाम फालेका युवाको मृत्यु भएको छ ।
विराटनगरमा ती युवाले हाम फालेको प्रहरीले जनाएको छ । भोजपुरबाट विराटनगर हिँडेको को२च २७४२ नम्बरको बोलेरो गाडीबाट हामफाल्दा २२ वर्षीय युवा युवराज खतिवडाको मृत्यु भएको प्रहरीको भनाई छ ।
भोजपुरको टेम्केमैयुङ गाउँपालिकाका–२ घर भएका उनको उपचारका क्रममा ज्यान गएको जिल्ला ट्राफिक प्रहरी कार्यालय मोरङका प्रहरी निरीक्षक चन्द्रबहादर खड्काले जानकारी दिए ।
कोशी लोकमार्गअन्तर्गत विराटनगर–३ मा बिहीबार सो घटना घटेको हो । युवाको विराटनगरमै उपचारका क्रममा मृत्यु भएको हो ।
हामफालेर ओर्लन खोज्दा गम्भीर घाइते भएका उनको उपचारको क्रममा मृत्यु भएको प्रहरीले जनाएको छ । प्रहरीले गाडी र चालक भोजपुरको पौवादुम्बा गाउँपालिका-२ तिवारीभञ्याङका २५ वर्षीय कृष्ण कार्कीलाई नियन्त्रणमा लिएर अनुसन्धान थालेको जनाएको छ । लापरवाही तरिकाले सो सवारीबाट झर्दा सो दुर्घटना भएको प्रहरीले जनाएको छ ।