धरानः सरकारले मोटरसाइकलमा लगाउँदै आएको कर वृद्धि आजदेखि वृद्धि भएको छ ।
शुक्रबार अर्थमन्त्री जनार्दन शर्माले पेश गरेको प्रतिस्थापन विधेयकमा मोटरसाइकलको अन्तशुल्क र सडक निर्माण कर बढेको हो । विधेयकमा मोटरसाइकलको वर्गीकरण परिवर्तन गर्दै १२५ सीसीसम्मका मोटरसाइलमा ४० प्रतिशत, १२५ देखि २ सय सीसीसम्म ५० प्रतिशत र २ सयदेखि २५० सीसीका मोटरसाइकलमा ६० प्रतिशत अन्तशुल्क लगाइएको छ । त्यस्तै, ५ सयदेखि ८ सय सीसीसम्मका मोटरसाइकलमा १०० प्रतिशत अन्तशुल्क लाग्ने व्यवस्था गरिएको छ ।
यसअघि भने यसअघि १२५ देखि १५५ सीसीको मोटरसाइकलमा ४० प्रतिशत र १५५ सीसीदेखि २५० सम्मका मोटरसाइलमा ४० प्रतिशत अन्तशुल्क लाग्ने गरेको थियो भने ५ सयदेखि ८ सय सीसीसम्मका मोटरसाइकलमा ८० प्रतिशत अन्तशुल्क थियो ।
नयाँ नियमअनुसार मोटरसाइकलको सडक निर्माण दस्तुर समेत बढेको छ । पनिवर्तित नियम अनुसार १२५ सीसीसम्मका मोटरसाइकल तथा स्कुटरमा १५ हजार रुपैयाँ, १२५–२५० सीसीसम्मका मोटरसाइकलमा १८ हजार रुपैयाँ, २५०–४०० सीसीसम्मका मोटरसाइकलमा ५० हजार रुपैयाँ र ४०० सीसीमाथिका मोटरसाइकलमा १ लाख रुपैयाँ सडक निर्माण दस्तुर लाग्ने व्यवस्था गरिएको छ ।
यसअघि १ सय ५५ सीसीसम्मका मोटरसाइकमा १५ हजार रुपैयाँ, १५५–२५० सीसीसम्मका मोटरसाइकलमा १८ हजार रुपैयाँ, २५०–४०० सीसीससम्मका मोटरसाइकलमा ५० हजार रुपैयाँ र ४ सय सीसीभन्दा माथिका मोटरसाइकलमा १ लाख रुपैयाँ सडक निर्माण दस्तुर लिने व्यवस्था थियो ।