धरानः झापा भद्रपुर नगरपालिका ८ स्थितबाट प्रहरीले लागूऔषध ब्राउन सुगरसहित एकजनालाई पक्राउ गरेको छ ।
पक्राउ पर्नेमा सोही स्थानका २२ वर्षीय सुमन तामाङ रहेका छन् । विशेष सूचनाको आधारमा जिल्ला प्रहरी कार्यालय झापा र लागूऔषध नियन्त्रण ब्यूरो काकडभिट्टाबाट खटिएको प्रहरी टोलीले उनलाई ब्राउन सुगर १५ ग्राम ७०० मिलिग्रामसहित पक्राउ गरेको हो । पक्राउ परेका तामाङलाई जिल्ला प्रहरी कार्यालय झापाले थप अनुसन्धान गरिरहेको छ ।
यस्तै, मोरङको पथरी शनिश्चरे नगरपालिका १ स्थितबाट प्रतिबन्धित औषधीसहित एकजनालाई पक्राउ गरिएको छ । पक्राउ पर्नेमा सोही स्थानका २३ वर्षीय सन्तोष ठाकुर रहेका छन् । इलाका प्रहरी कार्यालय पथरीबाट खटिएको प्रहरी टोलीले उनलाई प्रतिबन्धित औषधी स्पास्मो ३ हजार चक्कीसहित पक्राउ गरेको प्रहरी उपरीक्षक नविनराज राईले जानकारी दिए ।