बिर्तामोडः झापामा एक प्रहरी जवानको पोखरीमा डुबेको अवस्थामा शव फेला परेको छ ।
पोखरीमा डुबेर प्रहरी जवानको मृत्यु भएको प्रहरीले जनाएको छ । धनकुटाको पाख्रीबास नगरपालिका– १४ घर भएका २५ वर्षीय प्रहरी जवान सरोज गिरीको नुहाउने क्रममा पोखरीमा डुबेर मृत्यु भएको हो ।
झापा कचनकवल गाउँपालिका–१ को पोखरीमा डुबेर उनको मृत्यु भएको हो । उनी कचनकवल गाउँपालिका – १ प्रहरी चौकी पिन्डलबारीमा कार्यरत रहेको झापाका प्रहरी प्रवक्ता राकेश थापाले जानकारी दिए ।
नुहाउने क्रममा डुबेर बेपत्ता भएका उनलाई जिप्रका झापाको टोलीले मृत फेला पारेको हो ।
हाम्रो कोशी आवाज
