बिर्तामोडः बिर्तामोड–३ बाट लागूऔषध खैरोहिरोइन ब्राउनसुगरसहित दुईजना पक्राउ परेका छन् ।
पक्राउ पर्नेमा मोरङ पथरी–२ का ३४ वर्षीय भिमराज राई र पथरी–१ का ३२ वर्षीय अनुप सुब्बा लिम्बू रहेका छन ।
को २७ प ८६७४ नम्बरको मोटरसाइकललाई ईलाका प्रहरी कार्यालय अनारमनीबाट खटिएको प्रहरी टोलीले नियन्त्रणमा लिई चेकजाँच गर्दा चालक राईको साथबाट २३ ग्राम खैरोहिरोइन ब्राउनसुगर फेला पारी बरामद गरेको हो । पक्राउ परेका राई उपर थप अनुसन्धान गर्ने क्रममा ब्राउनसुगर ओसारपसारमा लिम्बू समेतको संलग्नता पाइएकोले उनलाई समेत पक्राउ गरी दुवैजनाउपर थप अनुसन्धान तथा कानुनी कारबाही अगाडि बढाइएको प्रहरीले जनाएको छ ।
हाम्रो कोशी आवाज
