सुनसरीः इटहरी–४ बाट दुईजना युवा लागूऔषध ब्राउनसुगरसहित पक्राउ परेका छन् ।
जिल्ला प्रहरी कार्यालय सुनसरीका अनुसार पक्राउ पर्नेमा झापा गौरीगञ्ज–२ बस्ने वर्ष २७ को आइतबारी हस्दा र बिहार राज्य किसनगञ्ज थाना दिलगबैंक ग्राम पञ्चायत १ (भारत) बस्ने वर्ष २२ को सुरज साह रहेका छन् ।
पूर्व–पश्चिम राजमार्गको मिलनचोकमा इप्रका इटहरीबाट खटिएका प्रहरी टोलीले सवारी साधन तथा सशंकित पैदलयात्री चेकजाँच गर्ने क्रममा इटहरी चोकतर्फ जाँदै गरेका उनीहरुलाई चेकजाँच गर्दा ब्राउन सुगर फेला परेको थियो ।
शरीर खानतलासी गर्दा आइतबारीको साथबाट १३ (तेह्र) ग्राम लागूऔषध (खैरोहिरोइन) ब्राउन सुगर फेलापारी निजहरुलाई पक्राउ गरी लागूऔषध नियन्त्रण ऐन– २०३३ बमोजिम सुनसरी जिल्ला अदालतबाट दिन ७ (सात) म्याद लिई थप अनुसन्धान कार्य भइरहेको प्रहरीले जनाएको छ ।