विराटनगरः मोरङमा कार दुर्घटनामा परी महिलाको मृत्यु भएको छ ।
मोरङको बूढीगंगामा भएको कार दुर्घटनामा परेर बेलबारी नगरपालिका–१ की ३० वर्षीया चन्द्रकला राईको मृत्यु भएको प्रहरीले जनाएको छ । मोरङका प्रहरी प्रवक्ता डीएसपी दीपक श्रेष्ठले बिहीबार बिहान ११ः३० बजे दुर्घटना हुँदा उनको मृत्यु भएको हो । दुर्घटनामा गम्भीर घाइते भएकी उनको उपचारका क्रममा मोरङको बुढीगंगास्थित विराट शिक्षण अस्पतालमा मृत्यु भएको प्रहरीले जनाएको छ ।
उनी छिमेकी गीता लिम्बू र सानी धिमाललाई लिएर उपचारका लागि विराटनगरतर्फ आउँदै गरेको खुलेको प्रहरीले जनाएको छ । दुर्घटनामा परेको कारमा पूर्ण रूपमा क्षति पुगेको छ ।
मोरङको बेलबारीबाट विराटनगरतर्फ आउँदै गरेको चार जना सवार रहेको बा११च १५७१ नम्बरको कार कोशी राजमार्गअन्तर्गत बूढीगंगा गाउँपालिका–३ मा आफै अनियत्रित भएर दुर्घटनामा परेको थियो । कार बिजुलीको पोलमा ठोक्किएको थियो । दुर्घटनामा कार चालक बेलबारी–१ का ३८ वर्षीय बाबुराम कार्की, बेलबारी–१ की ४३ वर्षीया गीता र ५५ वर्षीया सानी घाइते सामान्य भएका छन् । घाइते सबैको विराटमै उपचार भइरहेको छ ।