धरानः धरानमा पहिलोपल्ट भारतीय इलेक्ट्रिक कम्पनीको नयाँ ब्राण्डको स्कुटर भित्रिएको छ । धरानस्थित बराह ग्रुपले यो स्कुटर भित्रयाएको हो । धरान–८ भोटेपुलमा रहेको भवनमा यो स्कुटर लञ्न भएको हो ।
‘पियोर इभी’ नामको कम्पनीको इलेक्ट्रिक स्कुटर धरानमा लञ्च भएको छ । यिनीहरुको मूल्य १ लाख ९९ हजारदेखि २ लाख ५५ हजारसम्म पर्ने जनाइएको छ । पियोर इभी ब्राण्डका इप्लुटो ७ जी, इप्लुटो ७ जी, इन्ट्रान्स प्लस र इट्रान्स नियो ब्राण्डको इलेक्ट्रिक स्कुटर ल्याइएको बराहकी सेल्स एक्जुकेटिभ मिना पौडेलले जानकारी दिइन् ।
इप्लुटो ७ जी को मूल्य २ लाख ४९ हजार र इट्रान्स नियोको मूल्य २ लाख २९ हजार र इन्ट्रान्स प्लसको १ लाख ९९ हजार रुपैयाँ मूल्य तोकिएको छ ।
यी इलेक्ट्रिक स्कुटरमा २२ सय वाटको मोटर र सजिलै एक ठाउँबाट अर्को ठाउँमा लगेर रिचार्ज गर्न सकिने ६० भोल्ड ४० ए एच लिथियम आयन ब्याट्री छ । जुन ४ घण्टामा रिचार्ज हुने बताइएको छ । यो एक पटक चार्ज गरेपछि ६० किलोमिटर प्रतिघण्टाको दरले १ सय १६ किलोमिटरसम्म गुड्ने जनाइएको छ ।
इलेक्ट्रिक स्कुटर खरिद गर्दा ग्राहकले नगद छुट पाउने उनले बताइन् । अहिलेका लागि पियोर इभीको ब्राण्डको स्कुटर खरिद गर्दा नगद २५ हजारका साथै एसेसरिजमा १० हजार रुपैयाँ छुट प्रदान गरिने उनको भनाइ छ ।
कम्पनीले यसको ब्याट्री मोटर र कन्ट्रोलरमा ३ वर्षको वारेन्टी प्रदान गरेको उनले जानकारी दिइन् । यसमा एलसिडी स्क्रिन, अलोए ह्वील, एन्टी थिफ प्रोभिजन विथ स्मार्टलक, रिजेनेरेटिभ ब्रेकिङ लगायतका फिचर्स छन् ।
‘धरान वातावरणको हिसाबले राम्रै ठाउँ हो, अझै वातावरणमैत्री बनाउन यो स्कुटरले सहायता गर्ने हाम्रो विश्वास छ’, शाखा प्रमुख मानबहादुर विश्वकर्मा दियालीले भने ।
पियोर इभी भारतमा बन्ने भएकोले नेपालको बाटो सुहाउँदो हुने उनको दावी छ । यो स्कुटर भारतमा एसेम्बल मात्र नभई सबै पार्टस भारतमै बन्छ । यो ब्राण्ड एआरएआई सर्टिफाइड भएकोले गुणस्तरमा कुनै सम्झौता नभएको जनाइएको छ ।
तस्वीरः हाम्रो कोशी आवाज