उदयपुरः नुहाउँदै गर्दा चिप्लिएर एक युवकको मृत्यु भएको छ । बेलका नगरपालिकास्थित आन्तरिक पर्यटकीयस्थल भूतिया दहमा डुबेर २२ वर्षीय शिखर सिलवालको मृत्यु भएको हो ।
उनको घर मोरङको सुन्दरहरैंचा–४ बलिया हो । जिल्ला प्रहरी कार्यालय उदयपुरका प्रवक्ता डीएसपी वेदप्रसाद गौतमले ती युवा पौडी खेल्ने क्रममा डुबेको जानकारी दिए । उदयपुरस्थित आफन्तकोमा पुगेका उनी गर्मी बढेसँगै नुहाउन भन्दै दह पुगेका थिए । झरनामा नुहाउने क्रममा खुट्टा चिप्लिएर दहमा खसेका उनलाई प्रहरीले ५ घण्टापछि निकालिएको थियो ।
बुधबार मध्याह्न १२ बजे दहभित्र खसेपछि बाहिर नदेखिएका उनलाई इलाका प्रहरी कार्यालय रामपुर ठोक्सिलाको प्रहरी टोलीले स्थानीयको सहयोगमा साँझ ५ बजे फेला पारेको डीएसपी गौतमको भनाई छ ।