बिर्तामोडः झापाको शिवसताक्षी नगरपालिका ९ स्थित जीतेन्द्र शाक्यको घरबाट ४ जना जुवाडेलाई तास र नगदसहित पक्राउ गरिएको छ ।
पक्राउ पर्नेमा सोही स्थानका ५० वर्षीय अग्नी राई, ४० वर्षीय लालबहादुर लिम्बू, ४५ वर्षीय मनिष क्षेत्री र शिवसताक्षी नगरपालिकाका ३७ वर्षीय सुरेश लिम्बू रहेका छन् । विशेष सूचनाको आधारमा इलाका प्रहरी कार्यालय झिलझिलेबाट खटिएको प्रहरी टोलीले जुवा खेलिरहेको अवस्थामा ३ बुङ तास, नगद रु. १ लाख ७३ हजार ५ सयसहित उनीहरुलाई पक्राउ गरिएको हो ।
पक्राउ परेका चारैजनाउपर कानुनबमोजिम कारबाही तथा अनुसन्धान भइरहेको प्रहरीले जनाएको छ ।
हाम्रो कोशी आवाज
