बराहक्षेत्रः बराहक्षेत्र–७ मा रहेको उद्यमी क्लबले लक्ष्मी पूजाको अवसरमा श्री वसन्तऋतु माविको बाहिरको क्षेत्र सरसफाइ गरेको छ ।
सरसफाइमा क्लबका अध्यक्ष विष्णु घिमिरे, सदस्य मनिष भट्टराई, वसन्तऋतु माविका शिक्षक सुमन विकललगायत १५ जना युवाहरुको सक्रिय सहभागीता रहेको थियो ।
क्लबले आगामी दिनमा पनि यस्तै कार्य साथै उद्यम सम्बन्धी कार्यक्रम सञ्चालन गर्ने क्लबका अध्यक्ष घिमिरेले बताए । यस प्रकारको कार्यबाट समाजमा रहेका युवाहरुमा सामाजिक गुणको विकास हुने देखिन्छ । स्थापनाको छोटो समयमा क्लबले वृक्षारोपण कार्यक्रम, तीज विशेष कार्यक्रम साथै युवाहरुलाई बिनाधितो ऋण, मासिक बचतलगायतका कार्यक्रमहरु सञ्चालन गरिसकेको छ ।
हाम्रो कोशी आवाज
