धरानः नेपाली कांग्रेस धरानकी महिला नेतृहरुले आगलागीपीडित परिवारलाई आर्थिक सहयोग गरेका छन् ।
उनीहरुले सोमबार धरान–१७ स्थित एक घरमा ग्याँस पड्केर आगलागीपीडित परिवारलाई आर्थिक सहयोग गरेको हो । महिला नेतृहरुले नगद संकलन गरेर आगलागीबाट विस्थापित भएका परिवारलाई ६ हजार १ सय रुपैयाँ हस्तान्तरण गरिएको नेपाली कांग्रेस धरानकी नेतृ एवं कोषाध्यक्ष पञ्चकला राईले जानकारी दिइन् ।
गत शुक्रबार आगलागीबाट रिमला राईको काठको पुरानो शैलीको घर जलेर नष्ट भएको थियो । सो घरमा भाडामा सिर्जना विक र महेन्द्र विकको दुई परिवार बस्दै आएका थिए । आगलागीबाट विस्थापित भएका दुई परिवारलाई महिला नेतृहरुले आर्थिक सहयोग गरेको हो ।
हाम्रो कोशी आवाज
