धरानः हराइजन क्लबले धरान–१७ का आगलागीपीडित परिवारलाई आर्थिक सहयोग गरेको छ ।
बिहीबार आगलागीबाट पीडित भएका परिवारलाई १३ हजार ५ सय रुपैयाँ आर्थिक सहयोग गरेका हुन् । क्लबका संरक्षक, सल्लाहकार, पदाधिकारी तथा सदस्यहरुबाट आर्थिक सङ्कलन गरेर आगलागीबाट विस्थापित भएका परिवारलाई रकम हस्तान्तरण गरिएको क्लबका अध्यक्ष वसन्त राईले जानकारी दिए ।
गत शुक्रबार आगलागीबाट रिमला राईको काठको पुरानो शैलीको घर जलेर नष्ट भएको थियो । घरमा सिर्जना विक र महेन्द्र विकको दुई परिवार भाडामा बस्दै आएका थिए । आगलागीले दुई परिवार विस्थापित भएका थिए ।
हाम्रो कोशी आवाज
