धरानः धरान उपमहानगरपालिका १५ निराजनवस्तीबाट लागूऔषधसहित तीनजनालाई पक्राउ गरिएको छ ।
पक्राउ पर्नेहरुमा सोही स्थानका २४ वर्षीय दीपेश राई, विशाल राई र २६ वर्षीय अमृत भन्ने लक्की गुरुङ रहेका छन् ।
शुक्रबार राति ८ बजे अस्थायी प्रहरी पोष्ट बसपार्कबाट खटिएको प्रहरी टोलीले उनीहरुको साथबाट नाइट्रोजन ७० ट्याब्लेट, डाइजेल्याप ११ एम्पुल, लुप्रिजेसिक ११ एम्पुल, एभिल ११ एम्पुल र नगद ३६ हजार ५०० सहित पक्राउ गरिएको इलाका प्रहरी कार्यालय धरानका नरेन्द्र कुँवरले जानकारी दिए । पक्राउ परेका तीनैजनालाई थप अनुसन्धान भइरहेको प्रहरीले जनाएको छ ।
यस्तै, इटहरी उपमहानगरपालिका ४ श्रमिक टोलबाट लागूऔषध ब्राउन सुगरसहित एकजनालाई पक्राउ गरिएको छ ।
पक्राउ पर्नेमा चितवन भक्तपुर १० घर भई सोही स्थानमा कोठा गरी बस्ने ३० वर्षीय सञ्जय लामा रहेका छन् । विशेष सूचनाको आधारमा इलाका प्रहरी कार्यालय इटहरीबाट खटिएको प्रहरी टोलीले लामालाई कोठाबाट ब्राउनसुगर ९ ग्राम २० मिलीग्रामसहित पक्राउ गरेको थियो । पक्राउ परेका लामाको थप अनुसन्धान भइरहेको इलाका प्रहरी कार्यालय इटहरीले जनाएको छ ।