धरानः नेपाली कांग्रेस सुनसरीको सभापतिमा केदार भण्डारी विजयी बनेका छन् ।
यसअघि उनी सचिव थिए । उनी संस्थापनइतरका हुन् । सोमबार बिहान सम्पन्न मतगणनामा भण्डारीले संस्थापन प्यानलका उम्मेदवार सञ्जयकुमार श्रेष्ठलाई पराजित गरेका छन् ।
२६ सय २६ मतमध्ये श्रेष्ठले १३०९ मत पाउँदा भण्डारीको पक्षमा १४२२ मत पाएका थिए ।
यस्तै, उपसभापतिमा नगेशचन्द्र राई, पंकजकुमार महतो विजयी बने भने । माववबहादुर घिसिङ र वीरेन्द्रकुमार शाह सचिवमा विजयी बने । यस्तै, सहसचिवमा गणेश सुब्बा, मनिष सुब्बा निर्वाचित बने । अपाङ्ग केन्द्रीय महाधिवेशन प्रतिनिधिमा उपेन्द्रप्रसाद शाह, देवेन्द्र पौडेल निर्वाचित बने ।
पेशाले अधिवक्ता समेत रहेका भण्डारी नेपाल बार एसोसिएसनको केन्द्रीय उपाध्यक्ष र सुनसरी बारको अध्यक्षको भुमिका समेत निर्वाह गरिसकेका छन् ।