दमकः दमकमा एक पुरुषले कुटपिट गरेर श्रीमतीको हत्या गरेका छन् ।
झापाको दमक नगरपालिका १० की ४९ वर्षीया घनादेवी आचार्यलाई आफ्नै श्रीमान ४५ वर्षीय रामकुमार लिम्बूले कुटपिट गरी हत्या गरेको प्रहरीले जानकारी दिएको छ ।
कुटपिट गर्दा श्रीमतीको मृत्यु भएपछि उनलाई पक्राउ प्रहरीले पक्राउ गरेको छ । गत मङ्सिर १६ गते घनादेवीलाई उनको श्रीमानले कुटपिट गर्दा घाइते भएकी थिइन् ।
उनको विराटनगरको नोवेल अस्पतामा उपचारको लागि लगिएको केही समयको उपचारपछि डाक्टरको सल्लाहअनुसार उपचार हुन नसकी घर फर्किने क्रममा गत शुक्रबार राति ७ बजे मृत्यु भएको थियो । कुटपिटमा संलग्न लिम्बूलाई पक्राउ गरी थप अनुसन्धान भइरहेको प्रदेश १ पहरी कार्यालय विराटनगरका सूचना अधिकृत प्रहरी उपरीक्षक नविनराज राईले जानकारी दिए ।