बिर्तामोडः झापामा मोटरसाइकल चोरीमा संलग्न रहेका ३ जनालाई प्रहरीद्वारा पक्राउ गरिएको छ ।
पक्राउ पर्नेमा इलामको सूर्योदय नगरपालिका–१ का २१ वर्षीय आशिष सुब्बा, सूर्योदय–८ का २१ वर्षीय विवेक घिमिरे र झापा बिर्तामोड नगरपालिका–३ बिर्ताबजारका २६ वर्षीय रञ्जीत राजवंशी रहेका छन् ।
झापा जिल्लामा मोटरसाइकल चोरीको घटना वृद्धि भएपश्चात् इलाका प्रहरी कार्यालय अनारमनी झापाबाट खटिएको प्रहरी टोलीले खोजतलासको क्रममा उनीहरुको साथबाट चोरी भएको मे६प २५०५ नम्बरको १५० सिसीको पल्सर मोटरसाइकल र मे११प ९७३५ नम्बरको १५० सिसीको एफजेट मोटरसाइकलसहित पक्राउ गरेको हो । पक्राउ परेका उनीहरुलाई प्रहरीद्वारा थप अनुसन्धान भइरहेको १ नम्बर प्रदेश प्रहरी कार्यालय विराटनगरका सूचना अधिकृत प्रहरी उपरीक्षक नविनराज राईले जानकारी दिए ।