बिर्तामोडः झापा मेचीनगर नगरपालिका–६ स्थित मेचीपुलमा लागूऔषध अफिमसहित दुईजनालाई पक्राउ गरिएको छ ।
पक्राउ पर्नेमा भारत फ्रोजपुरका २५ वर्षीय केयर सिंह र भारत मौगाका २५ वर्षीय सुखजित सिंह रहेका छन् । भारतबाट नेपाल आउँदै गरेको उनीहरुलाई इलाका प्रहरी कार्यालय काकडभिट्टा र लागूऔषध नियन्त्रण ब्यूरो काकडभिट्टाबाट खटिएको प्रहरी टोलीले चेकजाँच गर्दा ११ ग्राम अफिमसहित पक्राउ गरिएको हो । पक्राउ परेका उनीहरुको इलाका प्रहरी कार्यालय काकडभिट्टाबाट थप अनुसन्धान भइरहेको १ नम्बर प्रदेश प्रहरी कार्यालय विराटनगरका सूचना अधिकृत प्रहरी उपरीक्षक नविनराज राईले जानकारी दिए ।
हाम्रो कोशी आवाज
