धरानः धरानमा नेकपा एमालेले बधाई, शुभकामना तथा सम्मान कार्यक्रम आयोजना गरेको छ ।
धरान–८ स्थित बराह कम्प्लेक्सको हलमा धरान उपमहानगरपालिकाकी उपमेयर समेत रहेकी मञ्जु भण्डारी (सुवेदी) ले १० औं महाधिवेशनबाट केन्द्रीय सदस्यमा जितेर आइसकेपछि यस्तो कार्यक्रम आयोजना भएको हो ।
कार्यक्रम नेकपा एमाले निर्वाचन क्षेत्रीय समन्वय कमिटी क्षेत्र नं. १ सुनसरीले आयोजना गरेको हो । आयोजित कार्यक्रममा बोल्दै केन्द्रीय भण्डारीले १० औं महाधिवेशनपछि एमालेमा गुटउपगुट सक्किइसकेको बताइन् । ‘१० औं महाधिवेशन पछि गुटउपगुट सबै सक्किइसकेको छ’, उनले भनिन्, ‘त्यही भएर अब एमाले एकताबद्ध भएर अघि बढ्छ र चुनावमा सहजै जीत हासिल गर्छ ।’ उनले चुनाव जित्नका लागि अब एमाले टोल टोलमा पार्टी तथा संगठन विस्तार अभियानमा लाग्नुपर्ने समेत बताइन् ।
कार्यक्रममा नेकपा एमाले निर्वाचन क्षेत्रीय समन्वय कमिटी क्षेत्र नं. १ सुनसरीका संयोजक मिनकुमार सुब्बा, १ नम्बर प्रदेश सदस्य विजय राई, मुरारी सुवेदी, मोतीराज सुनुवार, नुलम राईलगायतले शुभकामना तथा बधाई दिएका थिए । कार्यक्रममा सहभागी एमालेका नेता तथा कार्यकर्ताले समेत खदा तथा माला लगाइदिएर बधाई तथा शुभकामना दिएका थिए । कार्यक्रममा बोल्दै प्रदेश कमिटी सदस्य विजयले नेपालले समाजवाद चाहेको धारणा राखे । उनले आर्थिक स्थिति उकासी देशलाई समृद्धितर्फ लैजान सक्ने पार्टी एमाले भएको पनि बताए । उनले आउँदो स्थानीय चुनावमा एमालेले विजय हासिल गराउन आफूहरु दत्तचित्त भएर लाग्ने बताए ।
कार्यक्रममा मुरारी, मोतीराज, लगायतले पनि बोलेका थिए । कार्यक्रममा कृष्ण श्रेष्ठ, हर्कबहादुर कटवाल, हरिहरप्यारा श्रेष्ठ, दलबहादुर छाया, शयामबहादुर कटवाल, बिहार पोख्रेल वसन्त पाख्रिन, भीमबहादुर गोले, नेत्रबहादुर आचार्यलगायत ३६ जनालाई सम्मान गरिएको थियो ।
मिनकुमार सुब्बाको अध्यक्षतामा भएको कार्यक्रममा डिवी शाह शंकरलगायतका नेता–कार्यकर्ताहरुको उपस्थिति थियो । तस्वीरहरुः हाम्रो कोशी आवाज र अंकित ढुंगाना