इलामः दुर्घटनामा एकजनाको मृत्यु भएको छ । ट्याक्टरबाट खस्दा चक्काले किचेर पूर्णबहादुर घलेको मृत्यु भएको प्रहरीले जनाएको छ ।
इलामको माइजोगमाई गाउँपालिका ४ गैरी गाउँस्थित भित्री कच्ची सडक खण्डमा गैरीगाउबाट पराल बोकी नेलालज्योतितर्फ जाँदै गरेको मे१त ११७३ नम्बरको ट्याक्टरमा सवार उनको मृत्यु भएको प्रदेश १ ट्राफिक प्रहरी कार्यालय इटहरीका डिएसपी सुमन तिम्सिनाले जानकारी दिए ।
५६ वर्षीय घले अचानक ट्याक्टरबाट सडकमा खस्दा सोही ट्याक्टरको पछाडिको चक्काले किच्दा घटनास्थलमै उनको मृत्यु भएको प्रहरीले जनाएको छ ।
चालकको तत्काल नाम, थर, वतन नखुलेको र निज हाल फरार रहेकोकोले खोजतलास भइरहेको प्रहरीले जनाएको छ । तीब्र गतिका कारण दुर्घटना भएको प्रहरीले जनाएको छ ।