धरानः धरानका युवा लागूऔषधसहित पक्राउ परेका छन् ।
सोमबार राति ६ बजे विराटनगर महानगरपालिका–१७ मटेरुवाचोकमा धरान–१४ का ३२ वर्षीय अन्सन तामाङलाई पक्राउ गरिएको प्रदेश १ प्रहरी कार्यालय विराटनगरका सूचना समन्वय अधिकृत प्रहरी उपरीक्षक नविनराज राईले जानकारी दिए । उनलाई लुपिजेसिक ११ एम्पुल, डाइजेपाम ११ एम्पुल र एभिल ११ एम्पुलसहित अस्थायी प्रहरी पोष्ट मटेरुवाबाट खटिएको प्रहरी टोलीले नियन्त्रणमा लिएको हो ।
यस्तै, भारतबाट नेपाल आउँदै गरेको अवस्थामा विराटनगर महानगरपालिका–१६ हुलास चौकमा इलाका प्रहरी कार्यालय रानीबाट खटिएको प्रहरी टोलीले सुनसरीको इटहरी उपमहानगरपालिका–४ का २२ वर्षीय सन्तोष भुजेलको साथबाट लुपिजेसिक ६ एम्पुल, डाइजापाम ८ एम्पुल, एभिल ९ एम्पुल र फेनारगन ९ एम्पुलसहित पक्राउ गरेको छ
१ नम्बर प्रदेश प्रहरी कार्यालय विराटनगरबाट खटिएको प्रहरी टोलीले विशेष सूचनाको आधारमा सुन्दरहरैंचा नगरपालिका–५ बलियाबाट मोटरसाइकलमा सवार रहेका केराबारी गाँउपालिका–६ का २१ वर्षीय सागर तमाङलाई चेकजाँच गर्दा उनको साथबाट फेनारगन ८ एम्पुल, लुपिजेसिक ८ एम्पुल, डाइजेल्याब ८ एम्पुल, डाइजेपाम ८ एम्पुल र एभिल ८ एम्पुलसहित नियन्त्रणमा लिएको प्रहरीले जनाएको छ ।