बिर्तामोडः झापामा दुई मोटरसाइकल आपसमा ठोक्किँदा एकजनाको मृत्यु भएको छ भने दुई जना घाइते भएका छन्।
कचनकवल गाउँपालिका २ मा भारतीय नम्बर प्लेटको डब्लु बी ७४प९७१७ नम्बरको मोटरसाइकल र मे४प ९५०० नम्बरको मोटरसाइकल आपसमा ठोक्किँदा दुर्घटना भएको जिल्ला प्रहरी कार्यालय झापाले जनाएको छ।
दुर्घटनामा कचनकवल गाउँपालिका ४ का ४० वर्षीय शेषलाल राजवंशीको मृत्यु भएको छ। २७ वर्षीय शिवलाल माझी र ४४ वर्षीय सजन राजवंशी घाइते भएका छन्।
दुर्घटनामा गम्भीर घाइते राजवंशीको ओमसाई पाथीभरा अस्पताल भद्रपुरमा मृत्यु भएको हो ।
हाम्रो कोशी आवाज
