उदयपुरः उदयपुरको चौदण्डीगढी नगरपालिका–५ सुन्दरपुर स्थितमा टिपरसँग ठक्कर लाग्दा मोटरसाइकल चालकको मृत्यु भएको छ ।
मृत्यु हुनेमा त्रियुगा नगरपालिका–१ का २५ वर्षीय गंगाराम चौधरी रहेको उदयपुर प्रहरी प्रवक्ता डीएसपी वेदप्रसाद गौतमले जानकारी दिए ।
आइतबार बिहान ९ बजे चौदण्डीगढी–५ भित्री सडक खण्डमा प्रदेश १–०२–००१ क ३८९६ नम्बरको टिपरलाई स१०प ८७९८ नम्वरको मोटरसाइकलले ओभरटेक गर्ने क्रममा टिपरसँग ठक्कर लागेर दुर्घटना हुँदा मोटरसाइकल चालकको घटनास्थलमै मृत्यु भएको हो ।
सोही मोटरसाइकल पछाडि सवार निजको श्रीमती २४ वर्षीया संगीता चौधरी समेत घाइते भएको र फत्तेपुर अस्पतालमा उपचार भइरहेको प्रहरीले जनाएको छ । सो टिपर र चालक सुनसरी हरिपुर गाउँपालिका–८ का सुनिल दाहाललाई इलाका प्रहरी कार्यालय बेल्टारले नियन्त्रणमा लिई थप अनुसन्धान गरिरहेको छ ।