धरानः नयाँ वर्ष २०२२ को अवसरमा धरान-८, बरगाछीस्थित देव ट्रेडर्स होण्डा शोरुम धरानले यही पुस १८ गते आइतबारदेखि २३ गते शुक्रबारसम्म होण्डा बोनस एक्सचेन्ज अफर ल्याएको छ ।
एक्सचेन्जमा बोनस बापत कुनैपनि ब्रान्डको पुरानो मोटरसाइकल वा स्कुटर एक्सचेन्ज गरी होण्डाको दुईपाङ्ग्रे सवारी खरिद गर्दा ग्राहकहरुले मूल्याङ्कन बोनस बापत ७ हजारसम्म थप भ्यालु पाउन सक्ने मोटर्सका सञ्चालक देवेन्द्र कुँवरले जानकारी गराए ।
‘होण्डाको एक्सचेञ्जमा ग्राहकहरूले मूल्याङ्कन बोनसबापत ७ हजारसम्म थप भ्यालु पाउन सक्नेछन् । मोटरसाइकल तथा स्कुटर चलाउँदा सजिलो र आरामदायी हुने ग्राहकहरुको प्रत्यक्ष अनुभव अघिल्ला एक्सचेन्जबाट प्राप्त भएको छ ।’ कुँवरले भने, ‘सो अनुभवका लागि शोरुमले भर्खरै मात्रै बजारमा आएको र ग्राहकहरूले अत्याधिक रुचाएको एफआई भर्सनको ग्राजिया स्कुटरको टेस्ट राइड कार्यक्रम समेत राखेको छ ।’
ग्राहकहरुले एक्सचेञ्जमा ल्याउने पुरानो मोटरसाइकल वा स्कुटर नेपाल सरकारको नियमअनुसार लाग्ने कर पूर्णरुपमा चुक्ता भएको र चालु अवस्थामा रहेको हुनुपर्ने कुँवरले बताए ।
नेपालमा होण्डाको स्कुटर सेग्मेण्टमा डिओ, ग्राजिया र मोटरसाइकल सेग्मेण्टमा सीबी साइन, एसपी साइन र युनिकर्न प्रख्यात रहेको उनले जनाए । बलियो इञ्जिन र राम्रो माइलेजको लागि परिचित होण्डाका मोटरसाइकल तथा स्कुटरहरु विश्वभरी सबैभन्दा धेरै बिक्री हुने गरेको उनले दाबी गरे ।