विराटनगरः मोरङको उर्लाबारी–४ मा मोटरसाइकल अनियन्त्रित भएर दुर्घटना हुँदा एकजनाको मृत्यु भएको छ ।
प्रदेश १ ट्राफिक प्रहरी कार्यालय इटहरीका डिएसपी सुमन तिम्सिनाका अनुसार मृत्यु हुनेमा उर्लाबारी–१ टप्पु बस्ने वर्ष २८ को विजय शर्मा रहेका छन् ।
बक्राहा पुलनजिकै पूर्व–पश्चिम लोकमार्गमा पश्चिमबाट पूर्वतर्फ आउँदै गरेको प्र १–०२–०४७ प १८१४ नम्बरको मोटरसाइकल आफै अनियन्त्रित भई दुर्घटना भएको थियो ।
गम्भीर घाइते शर्माको अरनिको अस्पताल उर्लाबारी लगिएको थियो तर त्यहाँबाट थप उपचारका लागि बिएण्डसी अस्पताल लगिएको र उपचारको क्रममा उनको मृत्यु भएको प्रहरीले जनाएको छ ।
हाम्रो कोशी आवाज
