भोजपुरः भोजपुरको रामप्रसाद राई गाउँपालिका–५ हिमाङमा मंगलबार बेलुका भएको ट्याक्टर दुर्घटनमामा परी सोही ट्याक्टरका सहचालकको मृत्यु भएको छ ।
भोजपुरबाट घोडेटार जाँदै गरेको प्रदेश १–०२–००३ त ९४० नम्बरको टयाक्टर आफै अनियन्त्रित भई पल्टिँदा ट्याक्टरका सहचालक हतुवागढी गाउँपालिका–१ का रञ्जीत सार्कीको घटनास्थलमै मृत्यु भएको जिल्ला प्रहरी कार्यालय भोजपुरले जनाएको छ । घटना सम्बन्धमा प्रहरीले थप अनुसन्धान गरिरहेको छ ।
यसैबीच मोरङको विराटनगर महानगरपालिका–११ मा रहेको एक माछा पोखरीमा डुबेर स्थानीय २८ वर्षीय सुजन कामतको मृत्यु भएको छ ।
पौष १५ गते बाट घरदेखि हराइरहेका कामतको खोजतलास गर्ने क्रममा मंगलबार बेलुका साँढे ६ बजे गाउँकै पोखरीमा मृत अवस्थामा कामतको शव फेला परेको तथा घटना सम्बन्धमा प्रहरीले थप अनुसन्धान गरिरहेको प्रहरी उपरीक्षक नविनराज राईले जानकारी दिए ।