विराटनगरः मोरङको धनपालथान गाउँपालिका–२ बाट लागूऔषध गाँजा ३ केजी १०५ ग्रामसहित तीनजनालाई प्रहरीले पक्राउ गरेको छ ।
प्रहरी चौकी अमाहीबरियातीबाट खटिएको प्रहरी टोलीले विशेष सूचनाको आधारमा धनपालथान–२ बरियाती टोलका ४० वर्षीय वसन्त पासवान, सुनसरी धरान–१६ का ३६ वर्षीय रविन राई र २९ वर्षीय वचन राईलाई पक्राउ गरेको प्रदेश १ प्रहरी कार्यालय विराटनगरका सूचना समन्वय अधिकृत नविनराज राईले जानकारी दिए ।
निजहरुबाट अवैध लागूऔषध गाँजा ३ केजी १०५ ग्राम, नगद २० हजार ५ सय रुपैयाँ र प्रदेश १–०२०–०४५ प २६९९ नम्बरको मोटरसाइकल बरामद भएको थियो । अवैध लागूऔषध गाँजासहित पक्राउ परेका तीनैजनालाई मोरङ जिल्ला अदालतबाट लागूऔषध कसूरमा म्याद थप गरी थप अनुसन्धान भइरहेको जिल्ला प्रहरी कार्यालय मोरङले जनाएको छ ।