धनकुटाः धनकुटामा एक महिलाको शव घरभित्र पुरेको अवस्थामा फेला परेको छ ।
धनकुटा–४ की ५२ वर्षीया सीता श्रेष्ठको शव घरभित्र नै पुरेको अवस्थामा फेला परेको जिल्ला प्रहरी कार्यालय धनकुटाका डिएसपी सुरज कार्कीले जानकारी दिए । उनका अनुसार घरको भुइँतलामा पुरेको अवस्थामा शव फेला पर्नुका साथै शरीरमा चोट र शव गलेको अवस्थामा भेटिएको छ ।
सीताको हत्या घरायसी विवादको क्रममा उनका श्रीमान ५२ वर्षीय सीताराम भनिने सीताकुमार श्रेष्ठले गरेको खुल्न आएको डिएसपी कार्कीले बताए । श्रीमतीको हत्या गरी घरभित्र शव पुरेर फरार रहेका सीतारामलाई फक्राउ गरिएको प्रहरीले जनाएको छ ।
शव पोष्टमार्टमका लागि सोमबार नै बीपी कोइराला स्वास्थ्य विज्ञान प्रतिष्ठान धरान पठाउने तयारी भइरहेको प्रहरीले जनाएको छ । गत पुस १६ गतेदेखि हराइरहेको उनी हराएको भन्दै पुस २१ गते जिल्ला प्रहरी कार्यालयमा उजुरी परेको उनले जानकारी दिए ।