इलामः इलाममा पिकअप जीप दुर्घटनामा दुईजनाको मृत्यु भएको छ ।
बिहीबार बिहान जीप दुर्घटनामा परेको हो । दुर्घटनामा परेर झापाको मेचीनगर-४ बस्ने वर्ष ५५ का रमेश थापा र वर्ष ४० का सूर्यबहादुर थापाको घटनास्थलमा नै मृत्यु जिल्ला प्रहरी कार्यालय इलामका सूचना अधिकारी गंगाबहादुर थापाले जानकारी दिए । उनीहरु दाजुभाइ रहेको प्रहरीले जनाएको छ । उनीहरु काम विशेषले इलाम हिँडेको प्रहरीले जनाएको छ ।
झापाबाट इलाम आउँदै गरेको प्रदेश १-०१-००१ च ७९१६ नम्बरको पिकअप आफैं अनियन्त्रित भई सडकदेखि करिब पाँच सय मिटर तल झरेको थियो । जीप चालक मेचीनगर-४ बस्ने वर्ष ३३ का अर्जुन कोइरालासमेत गम्भीर घाइते भएको र उनको झापाको बिएण्डसी अस्पताल लगिएको छ । घटनाबारे थप अनुसन्धान भइरहेको प्रहरीले जनाएको छ । दुर्घटना बिहान ६ बजे भएको जनाइएको छ ।