विराटनगरः मोरङको बेलबारी बस्ने एक महिलालाई सुन्दरहरैंचा नगरपालिका ४ बलियामा रहेको श्रेष्ठ होटल एण्ड फेमेली होटलमा जबरजस्ती करणी गरेको अभियोगमा सोही होटल सञ्चालकसहित तीनजनालाई पक्राउ गरिएको छ ।
पक्राउ पर्नेमा मोरङ सुन्दरहरैचा नगरपालिका ४ बलिया चौकका होटल सञ्चालक ३५ वर्षीय अर्जुनकुमार श्रेष्ठ, सोही स्थानका २५ वर्षीय सुरज श्रेष्ठ र झापा मेचीनगर नगरपालिका ३ का २५ वर्षीय रामबहादुर नेपाली भन्ने सुधान्सु दर्जी रहेका छन् ।
उनीहरुले गत ७ गते बेलुका साढे ५ बजे महिला इटहरीबाट घर फर्कने क्रममा गछिया खोलाको पुल नजिकबाट घर पुरयाइदिन्छु भनी गाडीमा चढाएर सो होटलमा पुरयाइ जबरजस्ती करणी गरेको खुल्न आएको छ ।
गत ८ गते सो घटनाको जानकारी पाएको ईलाका प्रहरी कार्यालय बेलबारीबाट खटिएको प्रहरी टोलीले तत्काल होटल सञ्चालक अर्जुन कुमार श्रेष्ठ र सुरज श्रेष्ठ नियन्त्रणमा लिएको थियो । तत्काल सो घटना घटाइ फरार रहेका रामबहादुर नेपाली भन्ने सुधान्सु दर्जीलाई भने गत ११ गते इलाम सूर्योदय नगरपालिका १२ तीनघरेमा लुकीछिपी बसेको अवस्थामा १ नं प्रदेश प्रहरी कार्यालय आरआइटी र इलाका प्रहरी कार्यालय बेलबारीबाट खटिएको प्रहरी टोलीले पक्राउ गरेको प्रदेश १ प्रहरी कार्यालय विराटनगरका प्रहरी उपरीक्षक नविनराज राईले जानकारी दिए ।
पक्राउ परेका तीनै जना उपर जबरजस्ती करणी मुद्दामा कानुनी कारबाही अगाडि बढाइएको इलाका प्रहरी कार्यालय बेलबारीले जनाएको छ ।
मोरङका एसपी जनार्दन जिसीका अनुसार उनीहरुले अपरण शैलीमा होटलमा लगेर जबर्जस्ती गरेको पाइएको छ ।
कामबाट फर्कने क्रममा अपहरण शैलीमा लगेर बलात्कार गरिएको प्रहरीले जनाएको छ । प्रहरीले होटल सञ्चालक ३६ वर्षीय अर्जुनलाई यसअघि नै पक्राउ गरेको थियो भने दुईजना फरार रहेका थिए । करिब ३० वर्षकी महिला बलात्कारमा परेकी हुन् । बलात्कारमा परेकी महिलाको कोशी अस्पताल विराटनगरमा उपचारपछि सामान्य अवस्थामा फर्किसकेकी छिन् ।
चिकित्सकका अनुसार बलात्कार गरेर उनको यौनाङ्ग क्षतिविक्षत बनाइएको थियो । बलात्कार गर्न नदिएर महिलाले प्रतिकार गरेपछि अर्जुनले हातभित्र छिएर महिलाको यौनाङ्ग नै क्षतिविक्षत बनाइदिएको प्रहरीको अनुसन्धानले देखाएको जनाइएको छ । महिलाका ४ वर्ष र १७ महिनाका दुईजना छोरी छन् ।