सुनसरीः इटहरीको गोरखा डिपार्टमेन्टलअगाडि रोकिराखेको मोटरसाइकल चोरीमा संलग्न तीनजना पक्राउ परेका छन् ।
पक्राउ पर्नेमा कानेपोखरी गाउँपालिका ५ बस्ने वर्ष २१ को सुशान्त चौधरी, वर्ष ३७ को बुद्धिमान श्रेष्ठ र इटहरी–८ गैसार बस्ने वर्ष २७ को मनिष चौधरी रहेका छन् । चौधरी र श्रेष्ठलाई पक्राउ गरी प्रारम्भिक सोधपुछको क्रममा मोटरसाइकल चोरी कार्यमा मनिषको समेत संलग्न रहेको भनेर उनीहरुले बताएपछि उनी पनि पक्राउ परेका थिए ।
गत १४ गते दिउँसो मोरङको रङ्गेली बस्ने पंकज झा कोप्र१–०२–०४४प८१०१ नम्बरको २२० सिसीको पल्सर मोटरसाइकल हराएको थियो ।
सो मोटरसाइकल खोजतलास गर्ने क्रममा इलाका प्रहरी कार्यालय रंगेली मोरङको डानिया चौकमा फेला परेको थियो । उनीहरुमाथि चोरी मुद्दामा दिन ७ को म्याद थप भई थप अनुसन्धान भइरहेको प्रहरीले जनाएको छ ।